Mohabbat ek tajurba hai..

Mohabbat ek ajeeb uljha uljha tajurba hai...



Kabhi yeh za'um woh mera hai sirf mera hai...



Kabhi yeh soch woh auroN se sir-garaaN to nahi...



Kisi ke paas, kisi bazm mein kaheeN na kaheeN...



Mere khayaal se begaana apnay aap me mast...



Magar na jaane yeh junuN ka kaisa marhala hai...



Keh is fareb-e-takhaiyul mein mubtala huN maiN...



Woh mujh se door bhi hai aur mere paas bhi hai...



Woh mujh ko bhool ke mere liye udaas bhi hai...



Gharaz yeh weham-o-yaqeeN ka ajeeb silsila hai...



Mohabbat ek ajeeb uljha uljha tajurba hai...